Ushbu maqolada suv fondi yerlarida joylashgan bino va inshootlardan foydalanishning iqtisodiy samaradorligini oshirish masalalari yoritilgan. Suv xo‘jaligi obyektlariga biriktirilgan yer uchastkalaridan oqilona foydalanish, kadastr ma’lumotlarining ishonchliligini ta’minlash, yer maydonining funksional vazifaga muvofiqligini baholash va iqtisodiy ko‘rsatkichlarni takomillashtirish zarurati asoslangan. Tadqiqot doirasida yer uchastkalaridan foydalanish samaradorligini baholash uchun ko‘rsatkichlar tizimi va bosqichma-bosqich metodik yondashuv taklif etilgan. Shuningdek, yer va bino inshootlardan foydalanish holatini tahlil qilish, samarasiz foydalanish ehtimoli mavjud maydonlarni aniqlash hamda boshqaruv qarorlarini asoslash yo‘llari ko‘rib chiqilgan.