Mazkur maqolada o’zbek milliy cholg’u ijrochiligining muhim tarkibiy qismi bo’lgan doira san’atida ritmik tafakkur va badiiy ifoda vositalarining o’zaro uyg’unligi musiqashunoslik hamda ijrochilik nazariyasi nuqtayi nazaridan tahlil qilinadi. Doira ijrochiligida usulning shakllanish qonuniyatlari, zarb tuzilishi, metroritmik munosabatlar, dinamik tafovutlar, tembr xususiyatlari va ijroviy talqin masalalari yoritiladi. Shuningdek, ritmik tafakkurning musiqiy shaklni idrok etish, usulni ichki eshitish orqali anglash, zarblarning mantiqiy ketma-ketligini boshqarish va badiiy mazmunni ifodalash jarayonidagi vazifalari asoslanadi. O’zbek mumtoz musiqasi, xususan, Shashmaqom cholg’u yo’llari hamda an’anaviy doira ijrochiligiga xos usullar misolida ritmning tuzilmaviy va ifodaviy xususiyatlari ko’rib chiqiladi.