Ushbu maqolada 7–9 yoshdagi boshlang‘ich sinf o‘quvchilariga ingliz tilini
o‘rgatish jarayonida o‘qituvchi boshchiligida sun’iy intellekt va interaktiv
texnologiyalardan foydalanish imkoniyatlari tahlil qilinadi. Tadqiqotning o‘ziga xos jihati
shundaki, o‘quvchilarning shaxsiy mobil qurilmalari mavjud bo‘lmagan va ulardan
foydalanish cheklangan sinf sharoitida AI texnologiyalarini umumiy interaktiv doska va
o‘qituvchi kompyuteri orqali qo‘llash modeli ko‘rib chiqiladi. Tadqiqotda 36 nafar
o‘quvchi ishtirok etib, 18 nafari asosiy, 18 nafari nazorat guruhiga ajratildi. Tajriba 6
hafta, jami 18 dars davomida olib borildi. Asosiy guruh mashg‘ulotlarida ClassPoint AI
Quiz Generator, gamifikatsiya va interaktiv topshiriqlardan foydalanildi, nazorat guruhida
esa an’anaviy o‘qitish usullari qo‘llanildi. Pre-test va post-test natijalari asosiy guruhda
o‘rtacha ko‘rsatkich 52 foizdan 84 foizgacha, nazorat guruhida esa 50 foizdan 66
foizgacha oshganini ko‘rsatdi. Natijalar asosiy guruhda 32 foiz punktlik, nazorat guruhida
esa 16 foiz punktlik o‘sishni qayd etdi. Shu bilan birga, natijalarni faqat AI ta’siri bilan
izohlash mumkin emasligi, chunki tajribada gamifikatsiya va boshqa interaktiv metodlar
ham birgalikda qo‘llangani ta’kidlanadi. Tadqiqot natijalari boshlang‘ich ta’limda AI
vositalarini o‘qituvchini almashtiruvchi emas, balki uning pedagogik faoliyatini qo‘llab
quvvatlovchi vosita sifatida integratsiyalash maqsadga muvofiqligini ko‘rsatadi.