Maqolada ilk temir davridan ilk o‘rta asrlargacha bo‘lgan davrda Ustrushona mudofaa tizimining shakllanishi va tadrijiy (evolyusion) rivojlanishi tarixiy-geografik va arxeologik ma’lumotlar asosida tahlil qilingan. Muallif tomonidan hududdagi ijtimoiy-iqtisodiy yuksalish, suv havzalari atrofida dehqonchilikning rivojlanishi va ilk shahar madaniyati shakllanishining mudofaa me’morchiligiga ta’siri ochib berilgan. Shuningdek, Ahamoniylar imperiyasining shimoliy chegara zanjiri, yunon-makedon qo‘shinlari bosqini davridagi mahalliy aholining mudofaaviy taktikasi, «Kampirdevor» voha mudofaa devorlari tizimining vujudga kelishi hamda afshinlar boshqaruvi davrida poytaxt Bunjikentning fortifikatsion tuzilishi batafsil tadqiq etilgan.