Tez-tez kasallanuvchi bolalar guruxiga 3 yoshgacha bo‘lgan bolalar yiliga 4 martadan ko‘p, 3 yoshdan katta bo‘lgan bolalar esa yiliga 6 martadan ko‘p respirator kasalliklar, ya’ni o‘tkir respirator virusli infeksiya (O‘RVI), gripp, bronxit kabi kasalliklar bilan kasallanadigan bolalar kiradi. Tez-tez takrorlanadigan va og‘ir darajada kechuvchi o‘tkir respirator kasalliklar turli a’zo va tizimlarning normal ishlashini izdan chiqaradi: bronx-o‘pka tizimida surunkali-yallig‘lanishli jarayonlarni shakllantiradi, yurak-qon tomir tizimi, oshqozon-ichak trakti, vegetativ asab tizimining faoliyatini buzadi.