Mazkur ilmiy maqolada nemis va o‘zbek tillaridagi sinonimik birliklar qiyosiy-semantik, stilistik va lingvomadaniy nuqtai nazardan chuqur tahlil qilinadi. Sinonimiya hodisasi til tizimida faqat ma’no jihatdan yaqin so‘zlar yig‘indisi emas, balki murakkab semantik differensiallikka ega bo‘lgan lingvistik hodisa sifatida qaraladi. Tadqiqot davomida sinonimik qatorlarning ichki semantik tuzilishi, kontekstual qo‘llanishi hamda ularning kommunikativ vazifalari yoritiladi. Nemis va o‘zbek tillaridagi sinonimlarning o‘xshash va farqli jihatlari ilmiy asosda ochib beriladi. Shuningdek, maqolada tarjima jarayonida sinonim tanlash muammolari, madaniy faktorlarning ta’siri va uslubiy farqlarning ahamiyati tahlil qilinadi.